完整的四分之一

完整的四分之一 完整的四分之一 潘艷姿 昨方接著一通電話，伊講：老師，我明也在卜去 看你，你敢有盈？我問：敢有順路？伊應：我是卜專 工去的！ 今也伊敲來，第一句道講：老師，你若佇厝，我卜 隨過去。我講：今也真寒！伊應：無要緊，我毋驚寒！ 聽伊的口氣是即爾堅定誠意，我若謝絕，實在是策著 伊的意，只好答應。 過一下也伊著到位也，今也的天氣毋是普通的 寒，伊穿風衣，我穿裘仔，我問伊：敢穿有燒？伊假 若無斟酌聽，干若咧要緊卜加我講：老師，我買一隻 鵝，已經燒好，分做四份，一份予阮大姐，一份予阮 契查某子，一份家己食，即份是卜予你的。 聽伊安爾講，我大大惙ㄧ著！伊竟然加我和伊的 至親並列，我用感恩的心接受，用歡喜的心回想即場 因緣，是因為台語文的關係，阮結一個善緣，雖然伊 年紀較濟過我，但是伊人真有分寸，嘛真惜情，搁真 上進！ 犯勢佇台語文的部份，我曾經對伊有淡薄的協 助，但是我認為係是小可事誌，伊卻一直感念在心， 一再說謝，即場師生關係，道真自然延續落來！ 佇即个圍爐三十瞑，家家戶戶攏真無盈，伊卻專 工來，接過四分之一的物件，也接收四分之一的愛心， 但是我感覺比四分之四，較濟，較夠額！