周星驰功夫台词粤语版（部分）

周星驰《功夫》 敲诈村民: 飞发佬:边位剪发啊, 阿星:我大佬。 飞发佬:请坐。 剪完，盛惠五毫子。 阿星:哇。 飞发佬:系咪好靓咧。 阿星:做乜飞咁靓啊,边个嗌你飞咁靓嗻。攞景啊～ 大佬你冇扯火住，呢个我老友嚟嘅，等我同佢倾。斧头帮大哥啊，两把斧头你亲眼睇到嘎啦，坏人嚟嘎嘛，你飞到佢个头咁靓，好阴功嘎，知冇, 飞发佬:唔知。 阿星:唉，所以话你真系。嗱，我见同你几有缘，你赔翻汤药费，我试下同人拆吖，好冇。 飞发佬:唔好。 阿星:大佬，唔冇喐把斧头治，收翻埋先，等我同佢倾。我真系揽晒落上身嘎喇，你亲眼睇到嘎啦，冇呃你嘎。喂，噉你方唔方便嗻，一系你贴住多少啊，你当和头酒又好，摄台脚又好啊。 飞发佬:哦，原来你勒索我～ 阿星:哼… 大佬～大佬，大佬。哦，你扑街喇，我大佬一瞓醒斩死人嘎。哇，你睇佢个款，就醒添嘎。 飞发佬:我唔怕。就算杀咗一个我，仲有千千万万个我。 阿星:做架梁啊～斧头帮大哥里便瞓紧晏觉，边个唔怕死嘅行前一步吖。哦，噉嗻系冇偈倾啦。好啊，江湖规矩，只抽只～嗻系一个打一个，唔冇谂住犯规吓。揸樖葱嗰个阿婶出嚟，你个样咁凶狠做咩啊，谂住抽得赢我啊，我让你一拳都仲得啦，打我吖。阿婶，你做咩啊, 阿婶(河南方言):俺是耕田的。 阿星:你耕田唔冇学人只抽啊，收皮吖你。 阿婶(河南方言):有毛病。 阿星:喂，你自己唔啱仲驳嘴，我见阿婶啊，唔系我殴(ngau3)你啊。嗰个矮仔，口擘擘(maak3)嗰个啊，系你啦，矮啊要认，打啊企定，出嚟吖。嗱，我生平最睇唔起啲唔诚实嘅人喇，坐落嚟～带副超嗰个阿伯咁沙尘，出嚟。喂喂，我唔咪嗌你啊，阿伯，我嗌阿边个啊，阿…阿…嗰条僆仔啊。僆仔，我忍你好耐嘎喇，出嚟吖～啊，得喇，得喇，叻喇，叻喇，叻喇。喂，冇个抽得嘅，嗱，你哋自己唔争气嘅咋吓，今日嘅只抽取消啊。 飞发佬:佢勒索我。 阿星:哦，肥婆，你就系负责人喇吓哇， 包租婆:肥婆吖嗱。 阿星:喂，斧头帮啊嗱。 包租婆:斧头帮吖嗱。 阿星:大佬～ 包租婆:大佬吖嗱。 阿星:赔汤药啊你。 包租婆:汤药吖嗱。 阿星:自己友啊。 包租婆:自己友吖嗱。 阿星:嗱… 你好嘢，我吹鸡。 包租婆:你条蛤拐，羊牯扮叔父，我睇你点吹～ 阿星:一支穿云箭，千军万马来相见。你扑街啊你，你冇走啊，你啊～你啊～你买定棺材啊你。