[精品]龟佮兔仔走镖比赛

[精品]龟佮兔仔走镖比赛 龜佮兔仔走鏢比賽 :作者:廖瑞昌: 囡仔兄上愛聽故事,阿牛講,,走鏢比賽兔佮龜,阿安講, 想欲知影到底啥人會輸,阿牛講,,就予我阿安來問阿牛,阿安講, 我是阿安,阿安講,、我是阿牛,阿牛講, ,阿牛、阿安同齊上台一鞠躬, 阿安,我講阿牛啊，你敢捌聽過龜佮兔仔比賽走鏢的故事。 阿牛,捌啊， 阿安,啊你敢擱知影,這个故事聽講猶有續落去的發展。 阿牛,知影啊， 阿安,故事的尾仔到底是按怎, 阿牛,猶無輸贏啊， 阿安,毋—輸—贏，,懷疑的情,那會毋輸贏, 阿牛,啊著猶未比煞啊, 阿安,猶未比煞,,得驚的表情,那會比幾偌百年啊擱猶未比煞, 阿牛,你有想欲知影否。 阿安,當然嘛想欲知啊，你緊講予我聽啦， 阿牛,當初時兔仔佮龜第一擺的比賽…你知喺, 阿安,當然嘛知,兔仔因為佇半中央睏去…尾仔就輸去啊， 阿牛,對啊，兔仔彼擺因為傷大意,輸去了後,就誠毋甘願,擱 去揣龜挑戰。 阿安,後來咧，龜有答應否， 阿牛,有啊，擱比第二擺。 阿安,啥人贏, 阿牛,你臆看覓咧。 阿安,有頂一擺的經驗。這擺兔仔一定贏。 阿牛,兔仔…擱輸啊， 阿安,擱輸啊， 阿牛,嗯， 阿安,敢講擱睏去啊， 阿牛,這擺無睏去,擱真拼命走咧。 阿安,真拼命走那擱會輸去。 阿牛,煞毋知啊兔仔對山尾頂走欲到山腳的時陣,雄雄聽到一聲 「碰」。 阿安,碰，到， 阿牛,你是想對叨位去。煞毋知影龜「碰」一聲撞著樹仔先到位。 阿安,唉呦喂，,手摸額頭,那會按呢, 阿牛,煞毋知啊龜爬爬爬…到一半的時陣,煞跋一倒,怎仔翺,ko7, 落--來。 阿安,龜贏啊， 阿牛,贏啊，毋擱兔仔真毋甘願。 阿安,按呢無準算啦，換作我是兔仔,我嘛無甘願。 阿牛,無甘願擱來比啊。 阿安,比就比，敢講會輸你。輸人毋輸陣，你講,欲按怎比。 阿牛,咱來比跳舞， 阿安,one、two、three、four。 阿牛、阿安,喔喔喔喔,你是我的花蕊。 阿安,好啊啦，較正經咧， 阿牛,無咱來比泅水， 阿安,比泅水喺，比就比，敢講會驚你。啊… 阿牛,啊啥物,毋敢比喺, 阿安,啥人講我毋敢比。兔仔欲那會曉泅水,今仔頭洗落啊,齒 筋咬咧嘛得比。 阿牛,兔仔莫曉泅水,真正是貓食鹽存辦死,這擺免比就贏啊， 哈哈， 阿安,等咧，泅水毋是走鏢,走鏢毋是泅水,勿會使比泅水。佳哉 喔，,手搭胸坎。, 阿牛,你那講話反起反倒。驚輸就講一下， 阿安,我毋是驚輸,是我有一个較好的比法,驚你毋肯答應。 阿牛,啥物較好的比法,做你講,緊。 阿安,緊喺。我欲講啊喔， 阿牛,做你講, 阿安,咱來比用跳的,好否, 阿牛,用跳的。 阿安,嗯， 阿牛,我想一下。好，欲比會使咧，毋擱你愛揹一隻牛,好否, 阿安,揹一隻牛,一隻牛嚇呢大隻我欲按怎跳,莫使，莫使， 阿牛,按呢我揹一個龜殼遮呢重,我欲按怎跳。比泅水啦， 阿安,比用跳的啦， 阿牛,比泅水啦， 阿安,比用跳的啦， 阿牛,我講比泅水啦， 阿安,我講比用跳的啦， 阿牛,泅水啦， 阿安,用跳的啦， 阿牛,泅水啦， 阿安,用跳的啦， 阿牛,泅水啦， 阿安,用跳的啦， 阿牛,等咧，我當時變做龜啊， 阿安,對喺，我那會變做兔仔咧。 阿牛,哈哈，兔仔，,手比阿安, 阿安,你是龜，哈哈，,手比阿牛, 阿牛,我是阿牛，你是阿安， 阿安,我是阿安，你是阿牛， 阿牛,我毋是龜,你毋是兔仔。 阿安,我毋是兔仔,你嘛毋是龜。 阿牛,毋認輸的兔仔。 阿安,佮堅持到底的龜,啥人會輸,啥人會贏, 阿牛,啥人會贏,啥人會輸, 阿牛、阿安,下回阮才擱來講予恁聽。 阿牛,阿牛， 阿安,阿安， ,阿牛、阿安同齊下台一鞠躬, 意思顛倒反的詞 :作者:廖瑞昌: 講天講地講懸低,阿廷,、講東講西無相罵,阿安, 一人一句相輪替,阿廷,、大家相招緊來坐,阿安, 我是阿廷、我是阿安 ,阿廷、阿安同濟上台一鞠躬, 阿廷,咱兩个台語嘛學幾偌年啊， 阿安,對啊，有啥物問題咧, 阿廷,我問你,你的台語講了按怎, 阿安,勿會禾黑啊，毋那有才調站佇遮。我是阮彼班上厲害的呢， 阿廷,喔，按呢我共你考看覓咧好否, 阿安,好啊，欲考啥, 阿廷,考你意思顛倒反的詞好否, 阿安,啥物叫做意思顛倒反的詞, 阿廷,就是我講一个詞。 阿安,嗯， 阿廷,你就愛講另外一个意思顛倒反的詞。 阿安,這簡單,無問題。 阿廷,真的無問題, 阿安,毋信我會使予你考看覓, 阿廷,我講天。 阿安,我講地,按呢是毋是意思顛倒反的詞, 阿廷,對，就是按呢。 阿安,嗯， 阿廷,我講東 阿安,我講西 阿廷,我講南 阿安,我講北 阿廷,勿會禾黑喔， 阿安,呵呵…勿會禾黑喺， 阿廷,我講啥物物件,你敢攏有法度講出來, 阿安,彼是當然的， 阿廷,我真巧。 阿安,我真憨。 阿廷,我真媠。 阿安,我真禾黑。 阿廷,我真骨力。 阿安,我真荏懶。 阿廷,對了勿會禾黑喔， 阿安,等咧，我當時猶擱憨、猶擱禾黑、猶擱荏懶啊，講別項啦， 阿廷,好，咱擱繼續， 阿安,嗯， 阿廷,黑色。 阿安,白色 阿廷,黑黑黑。 阿安,白白白。 阿廷,紅色。 阿安,青色。 阿廷,紅紅紅。 阿安,青青青。 阿廷,勿會禾黑喔，擱來。 阿安,嗯， 阿廷,天頂。 阿安,塗跤。 阿廷,頭前。 阿安,後壁。 阿廷,正爿。 阿安,左爿。 阿廷,正手。 阿安,左手。 阿廷,正跤。 阿安,左跤。 阿廷,我正手摸腹肚。 阿安,我左手摸跤尻。 阿廷,我想欲笑。 阿安,我想欲哭。 阿廷,我笑佮嘴仔裂獅獅。 阿安,我欲哭無目屎。 阿廷,我真毋甘呢。 阿安,我應該…我應該死好。 阿廷,我會救--你。 阿安,我會刣--你。 阿廷,你欲刣啥人啊, 阿安,我欲刣… 阿廷,我會趕緊走。 阿安,我會沓沓仔逐。 阿廷,我會拼命走。 阿安,我會慢慢仔逐。 阿廷,我會走去覕。 阿安,我會逐去揣。 阿廷,等咧，予我歇--一下,莫擱逐啊,真喘呢， 阿安,好,歇--一下。 阿廷,多謝--你。 阿安,免客氣。好抑未, 阿廷,好啊，咱擱來。 阿安,擱來。 阿廷,我行--入來。 阿安,我走--出去。 阿廷,我勻勻仔行。 阿安,我趕緊走。 阿廷,我勻勻仔行入來。 阿安,我趕緊走出去。 阿廷,等咧，咱猶未提到第一名,勿會使遐緊走--出去啦， 阿安,嗯，咱擱來， 阿廷,我準備好啊， 阿安,我猶未好。 阿廷,我會等--你。 阿安,我先來去。 阿廷,予我穿一領衫咧， 阿安,予我脫一領褲咧， 阿廷,我穿真濟。 阿安,我脫了了。 阿廷,擱等我--一下。 阿安,我欲勿會赴啊， 阿廷,等--一下， 阿安,緊行啦， 阿廷,等咧啊， 阿安,會使行啊， 阿廷,你脫了了仔是欲行去叨位, 阿安,你…你按呢無公平啦，逐擺攏是你先講,換我的時陣,我 見講就是講無好的,這擺換我講。 阿廷,好啊，予你先講。 阿安,開始， 阿廷,來， 阿安,我真飄撇。 阿廷,我真美麗。 阿安,我真將材。 阿廷,我真古錐。 阿安,我走鏢得冠軍。 阿廷,我讀冊第一名。 阿安,敢有影。 阿廷,無共你騙。 阿安,你講白賊啦， 阿廷,我那有講白賊, 阿安,你講的攏毋是意思顛倒反的詞啊， 阿廷,差無偌濟啦，擱來， 阿安,差真濟， 阿廷,無差啦， 阿安,按呢會予評審老師扣分呢， 阿廷,評審老師會加分喺， 阿安,咱愛提第一名的呢， 阿廷,第二名就留予 阿安,這句講了媠喔， 阿安、阿廷 ,阿廷、阿安同濟下台一鞠躬, 話講勿會輪轉 :作者:廖瑞昌: 一日食三頓,一頓一碗飯,配魚配肉配雞卵,青菜豆腐湯。,阿凱用唱的, 一日三頓顧腹肚,阿凱講,,點心宵夜嘛得補,阿婷講, 青菜魚肉佮菜脯,阿凱講,,身體勇壯才勿會艱苦,阿婷講, 我是阿婷,阿婷講,、我是阿凱,阿凱講, ,阿婷、阿凱同齊上台一鞠躬, 阿婷,阿凱啊，你的心情勿會禾黑喔， 阿凱,嗯， 阿婷,你咧唱啥物歌, 阿凱,唱老師拄才教的歌啊， 阿婷,一日食三頓。 阿凱,對啊，一日食三頓,一頓一碗飯…,用唱的, 阿婷,好啊，好啊， 阿凱,有啥物問題喺, 阿婷,講到食飯,你上愛配啥物菜, 阿凱,我上愛食的菜喔。 阿婷,嗯， 阿凱,有豆菜、花菜、韭菜、白菜、蕹菜、割菜、高麗菜、冬瓜、 苦瓜、金瓜、菜瓜、花瓜、刺瓜仔、魚肉、 豬肉佮「香腸」。 阿婷,哇，那會遐濟，豆菜、花菜、韭菜、白菜、蕹菜、割菜、 高麗菜、冬瓜、苦瓜、金瓜、菜瓜、花瓜、刺瓜仔、魚肉、 豬肉佮「香腸」。啥物是「香腸」啊, 阿凱,「香腸」，「香腸就是香腸」啊，你敢毋欲食過, 阿婷,我毋欲食過,嘛毋欲聽過，是用啥物物件做的啊, 阿凱,豬肉啊， 阿婷,豬肉,豬肉做的香腸, 阿凱,是啊，豬肉做的香腸， 阿婷,令工請我食看覓咧好否, 阿凱,誠拄好，我拄才佇外口才買一枝。 阿婷,予我看覓咧， 阿凱,來，予你食一嘴， 阿婷,阿凱啊，你嘛較拜託咧，醃腸就醃腸,啥物香腸, 阿凱,「香腸」、「香腸」,敢毋是愛講做「香」腸， 阿婷,無人按呢講啦，要講醃腸， 阿凱,醃腸， 阿婷,對啦。 阿凱,那講到咱台灣食的物件,實在有夠濟。 阿婷,是啊，對台灣頭到台灣尾四界攏有好食的物件。 阿凱,我上愛「南投」筍包佮「台南」肉粽。 阿婷,人頭筍包,刣人肉粽,,得驚的表情, 阿凱,對啊，你那會驚彳各按呢, 阿婷,彼種物件你嘛敢食, 阿凱,當然嘛敢食,擱有真濟人愛食咧。令工我才買予你食。 阿婷,毋免，毋免，我欲來共你告， 阿凱,等咧，你講你欲做啥, 阿婷,欲來告你啊，找人共你抓， 阿凱,欲去告我，共我抓--起來， 阿婷,對啊， 阿凱,喂，喂，我是做毋對啥物事誌啊, 阿婷,你食人肉啊,我欲來共你告,找人共你抓。 阿凱,你是叨一條筋去帗到啊，我是當時食人肉啊, 阿婷,你拄才家己講的。人頭筍包,刣人肉粽。 阿凱,「南投」筍包佮「台南」肉粽有啥物問題喺,是按怎 勿會使食,話擱講倒轉來,我當時食人肉啊, 阿婷,連鞭人頭連鞭刣人,擱講毋食人肉。 阿凱,哈哈哈，真好笑，「南投」、「台南」攏是地名,連這你攏 毋知。 阿婷,咱台灣當時有「人頭」佮「刣人」這二个所在。我那會毋 知。 阿凱,「南投」佇台灣中央,「台南」擱叫做府城。連這攏毋捌, 欲按怎做台灣人。 阿婷,呼，一句話就講勿會好， 阿凱,是叨一句話講勿會好,講勿會輪轉啊， 阿婷,台灣的中央是南,投,,毋是「人頭」。「南」嘴要合起來, 「投」是ㄉ毋是ㄊ。啊「台」嘛是仝款,是ㄉ毋是ㄊ。 阿凱,我知啊，我擱講一擺予你聽。南,投, 阿婷,對啦， 阿凱,按呢府城就愛講做台南,埋人,對否， 阿婷,毋對啦，是台,南,,毋是埋人。 阿凱,喔，是台,南,,台,南,對否, 阿婷,對啊啦， 阿凱,多謝你呢，來這枝「香腸」予你食。 阿婷,,目目周展大蕊,嗯,,， 阿凱,喔，毋對去啊，是這枝醃腸予你食。 阿婷,,冘頁頭,多謝， 阿凱、阿婷 ,阿婷、阿凱同齊下台一鞠躬, 演說比賽 :作者:廖瑞昌: 開講破讀得藝術,阿律講,,生活才勿會氣沸沸,阿蘭講, 心內若是有委屈,阿律講,,緊來找阿蘭佮阿律,阿蘭講, 我是阿蘭,阿蘭講,、我是阿律,阿律講, ,阿蘭、阿律同齊上台一鞠躬, 阿律,我講阿蘭啊，你敢有參加過演說比賽。 阿蘭,捌啊， 阿律,敢捌得等。 阿蘭,彼是當然的啊。得第三名是常常有的,啊那得第二名就親 像食飯仝款--遮—呢簡單,第一名就若桌頂拈柑--輕—輕— 鬆—鬆—。 阿律,好啊，好啊，你真正是「便所彈吉他」。 阿蘭,便—所—彈—吉—他—啥物意思啊, 阿律,臭—彈—啦， 阿蘭,你毋某看貓仔無點喔。 阿律,對—對—對，你就像貓仔仝款… 阿蘭,真可錐乎, 阿律,毋是，是刺—耙—耙—。 阿蘭,喂，喂，喂，阿律，你真愛共我揬臭呢， 阿律,呼，你家己講的喔，佇便所彈吉他當然嘛「臭」。,手佇鼻 仔頭前擛咧擛咧, 阿蘭,阿律你， 阿律,莫生氣啦，按呢就變面，啊無你講一段來聽看覓咧。 阿蘭,我才勿愛咧， 阿律,好啦， 阿蘭,勿愛， 阿律,歹勢咧， 阿蘭,勿愛， 阿律,失禮啦， 阿蘭,勿愛， 阿律,講一下啦， 阿蘭,勿愛啦，我才勿愛咧， 阿律,呵呵呵，,一隻手共喙掩咧, 阿蘭,你咧笑啥, 阿律,毋是咧笑你啦，是看你按呢—真古錐，歹勢啦，你是上有 腹腸的呢。莫佮我計較啦， 阿蘭,看你遮有誠意,我就展兩步予你鼻芳。 阿律,噗仔聲共阮阿蘭催一下。,拍噗仔, 阿蘭,,清嚨喉二聲,各位老師，各位在坐的同學，大家好… 阿律,,打一下加懍損,好，好，好，好啊，哦-- 阿蘭,你是去電到,抑是去予魔神仔驚到, 阿律,你的聲敢若魔神仔咧，演說趕著愛按呢講， 阿蘭,無知識嘛愛有常識,演說、演說,抑著演抑著說,無就叫 作講話比賽就好啊， 阿律,嗯，有道理，,那講那冘頁頭, 阿蘭,若欲講到你捌,喙鬚就好拍結。 阿律,擱過幾年啊,我的喙鬚就真的會使提來拍結喔，,手摸下 頦, 阿蘭,無正經。 阿律,是是是，無你教我欲按怎演說好否, 阿蘭,你，斟酌聽喔， 阿律,,冘頁頭,斟酌聽， 阿蘭,各位老師— 阿律,,打一下加懍損,各位…各位啥物啊, 阿蘭,老師啦， 阿律,著著,指指比手勢,老師啦，各位—老師啦， 阿蘭,毋—著啦，,較大聲音, 阿律,各位—毋—著啦，啊—啊—，擱一擺，擱一擺，,指指比 手勢,各位…各位啥物啊, 阿蘭,各—位—老—師—。 阿律,各位老師。 阿蘭,勿會使用唸的。老師的「老」聲愛扭擱較懸的。「師」愛較有 力的。 阿律,愛較懸的、較有力的。擱一擺，,指指比手勢, 阿律,各—位—「老」,高音,「師」,短音,… 阿蘭,啥物「老使」, 阿律,毋是愛較懸的、較有力的。,面些寡無辜的表情, 阿蘭,「師」毋是「使」 阿律,「師」「師」「師」「師」，擱一擺，,指指比手勢,各—位— 老…老…老啥物啊, 阿蘭,呼，一句話就莫曉講。各—位—老—師— 阿律,各—位—老—師— 阿蘭,著啊，莫歹喔， 阿律,莫歹喺, 阿蘭,嗯，莫歹， 阿律,下一句咧， 阿蘭,下一句仝款。各—位— 阿律,,拍斷鼓柄,等咧，等咧，我知，我知， 阿蘭,會曉喺， 阿律,會曉,清嚨喉二聲,。各—位—老—師—、各—位—老—師— 阿蘭,啊那會兩句攏仝款。,手佇頭殼前比三條痕, 阿律,你毋是講下一句仝款。 阿蘭,我的意思是講下一句的講法仝款,毋是話仝款。 阿律,喔，按呢下一句是啥物, 阿蘭,下一句是各位同學。 阿律,各位同學喺， 阿蘭,嗯，,冘頁頭,來擱練一擺。 阿律,各—位—各—位—各位啥物啊, 阿蘭,唉，牛牽到大肚嘛是牛啦，,幌頭,三句話予你學到來, 我看三暝三日嘛學莫透機。 阿律,,手抓頭毛,好啦，我認輸啊， 阿蘭,認輸啊喺，相信我是第一名的喺， 阿律,是，第一名的，,比大頭拇, 阿蘭,毋著噗仔聲鼓勵一下。 阿律,,拍噗仔, ,阿蘭、阿律同齊下台一鞠躬,