食暗饱

食暗饱 臆 謎 猜 食暗飽，阿公招阮儕囝仔，出來門口埕納涼，伊講外口較秋凊， 厝內傷燠熱。阮一人提一塊椅子坐，又舉一支葵扇，也好斡風，也 好趕蚊子。 我請阿公古予阮聽，不過阿姐討欲臆謎猜，阿公叫阮兩個用嚷 的，看誰嚷贏?伊就聽誰的，第一擺，阮攏出鑽子，無輸贏，第二 擺，我出石項，阿姐出紙，阿姐贏。阿公就講:「好！大家照君子約束，我出謎猜予恁臆。」我緊講: 「阿公，要出較簡單的喔！若 無阮阿姐包贏的。」阿姐應講: 「自己飯桶掛車輪不講，阿公！出 較難的！」 阿公笑講: 「哈！哈！我先出較簡單的，才出較難的。」阿公 出的第一條謎猜是: 「一個仔黑豆，沿路行沿路漏。」我趕緊 舉手，阿姐也舉手，阿公講我較小漢，叫阿姐讓我先講。我講: 「羊 仔啦！」因為羊仔攏那行那放屎，羊仔屎又是一粒一粒黑黑，像黑 豆。阿公謳老我賢，臆了緊又正確，予我足歡喜，而阮阿姐足生氣。 阿公繼續出第二條謎猜:一支竹子透天長，雨神蚊子不敢舔。阿姐 先舉手，臆講: 「落雨啦！」阿公講: 「對！真賢！好，我這欲出較難的喔！恁注意聽予好！」阿公唸兩遍伊出的第三條謎猜:浮槍 囝仔穿紅衫，行看人頭擔擔，爬上天頂霹啪彈，跋落來一身爛爛爛。 我攏想無，阿姐臆講: 「是不是鱸鰻囝仔?」阿公頭講不對，雄雄我去想著: 「飛行機！」阿公講:「也不對 ，但是偎偎意啊！更想看覓咧！」阿姐緊講: 「噴射機 ！」阿公笑講: 「是一種過年咱攏會用著的物件，娶新娘的時陣，也一定要用著的物件。」阮兩個想 歸晡，一粒頭是兩粒大，但是一直臆無。「唉啊！阿公！到底是什 麼啦?」阮擋未著啊，開嘴講。「臆不出來喔?好，今馬宣佈:炮 仔啦！有理否?」阮兩個真佩服這答案，應講: 「有理！真有理！」 這時陣，阿母來叫欲洗身軀，阿公講: 「緊去洗，洗好我換來講古予恁聽。」阮就安呢歡歡喜喜，跟阿母入去厝內，等待加一會 仔更較精采的故事節目。 句型練習 自己想欲去佚逃不講，牽拖是伊招你作伴出去。 我無膽的先走，你有膽的落尾才走。 我真正足想欲講出來的，不過伊使目尾叫我不當講。 阮兩個同齊在行路，伊去踢著石頭，雄雄煞跋一倒。 台中縣鄉土教學活動資料 本土語言教材