一只红绣鞋

唱：今朝半夜三更头，偶肚皮刮漏漏，想到外头去走走。 　　一走走达咯吊桥头，偷得一只了咯大白狗（鹅）， 　　听见有银（人）喳喳呃（叫）。偶还道出手勿顺流， 　　见一个和尚急兜兜。话道有银跳夯井里头，想去救救，力气勿够。 　　喳叭喳叭来夯呃，伊想呃哦子（哑巴）外甥作帮手。 　　偶话侬（你）个了个秃头要结晦了个头，哦子倪（耳）朵聋，侬喉咙呃破勿结哟头。 　　伊话道碰着偶，最好啊呒有，刚刚作帮手。 　　偶话侬起啥格瞎忙头，河江井口，呒有盖头。 　　伢有胃口管伢（我）啥前头，侬要救侬自去救，偶勿要救，还是走。 　　伊一把擦牢我袖口，话道见西（死）勿救要短寿， 　　阎罗大王要来呃，偶叫呒有话头，跟伊把银救。 　　和尚下底用手推，偶在高头用绳喂个抽。 　　女银拉到咯井口头，看得偶，口里水么嗒嗒喂咯流，魂灵啊呒有。 　　只见伊花纽纽到反绸绸，好像嫦娥落云头，最像西施落河头，顶吊胃口。 　　项颈高头，一只金光锃亮格金箍锹，铜钿值格呆勿零丁，话勿灵清，己都勿结了个头。 　　皮肉送到口，勿吃还是呆沙丘，要西货活货都到手，杀掉和尚封住口。 　　偶话和尚喂，作侬啦咯呒有话头，送上格货色偶入手，侬在井下安心喂修。 　　候侬骂来随侬走，周年五七归偶刘花狗。 　　可怜下底头个和尚还想呃，偶夺起对伊一砸啦咯头。 　　女银见偶下毒手，活挣活扎要地方呃。 　　偶连忙用手蒙伊口，伊一口咬落偶手指喂咯头。 　　痛得偶眼里水嗒嗒流，时辰八字啊勿接哟头。 　　女银岂是偶对手？偶头发拔牢，衣裳蒙伊个头，裤带吊伊个手，硬给偶拖到屋里喂个头。 　　当夜拨伊上床头，伊撞西（死）撞活勿肯休。偶剪刀逼牢伊格喉咙口， 　　谁话勿依偶花狗，要环（扔）到山上施（喂）野喂个狗。 　　伊呒有办法点了头，有个要求偶才能依花狗。 　　伊话道，为得跌落一只红绣啊（鞋），丈夫逼伊绝路啊走。 　　还要环（扔）到井里头，幸亏还有气一口，冷水一结是命啊未休。 　　即（只）角（觉）得看戏跌落格红绣啊，还依在脚高头， 　　奇的是，左脚中绣啊已呒有，呒有绣啊是难行走。 　　红绣啊是命根子，要我寻着个红绣啊，才能依偶刘花啊狗。 　　偶想起井边一场抖，绣啊一定在咯井边留。 　　偶只要井边一沓走，啊（哪）怕寻勿着，偶随便啊里好起（去）偷。　　偶把伊锁夯屋里头，来寻绣啊到井口。啊晓得，绣啊到手，要跌落，六斤四两咯孤阆头。